Манна Чурапчы улууһуттан быйыл, Максим Аммосов аатынан ХИФУ иһинээҕи лицейгэ-СУНЦ туттарсан 10 кылааска үөрэнэ барбыт Семен Платонов очнай турга ыҥырыллан ситиһиилэннэ. Кини кэнниттэн Москва уо.д.а киин куораттар инникилээх учуонайдара ыраахха диэри хааллылар.
Кини өссө Степан Макаров аатынан Чурапчы гимназиятыгар сылдьан суруйбут “Экспериментальный поиск способов получения пленочного пьезоэлектрического биогенератора из рыбьей чешуи” үлэтинэн кыттан ыччат дьүүллүүр сүбэтин 1 уонна 3-с степеннээх дипломнарынан наҕараадаланна уонна АХШ/КНР тэрийэр научнай-техническэй куонкурус кэтэхтэн супер-финалыгар кыттарга ыҥырыыны тутта. Семен гимназиятааҕы научнай салайааччытынан - норуот үөрэхтээһинин туйгуна, РФ үтүөлээх учуутала, “Учууталлар учууталлара” бэлиэ хаһаайына, “Знанием победишь” Пуонда лауреата, “Арассыыйа бастыҥ учуутала” Бүтүн Арассыыйатааҕы куонкурус кыайыылааҕа Мария Иустиновна Хоютанова буолар.
«Саҥа олох» хаһыат