Быйыл Ньурба улууһугар бэтэринээрнэй сулууспа тэриллибитэ 100 сыла

Ньурба бэтэринээрдэрэ сүөһүгэ лейкоз итиэннэ сэллик ыарыыта турбатын туһугар былааннаммыт сааскы үлэни ыыталлар. Бэтэринээрдэр күннэтэ хас биирдии ыал сүөһүтүттэн хаан аналиһын ылан лабораторияҕа ыыталлар. Ньурбачаан эдэр ыала Никифоровтар сүөһү туппуттара иккис сыла буолла. Бүгүн кинилэргэ бэтэринээрдэр кэлэн дьиэлэрин кыылларыттан хаан анаалиһын ылаллар. Ыаллар сүөһү туталларыгар бэтэринээр көмөтө суох кыамматтар, кэмиттэн кэмигэр дьиэлэрин кыылларын туругун көрдөрөллөр. Эбиитин сиэмэлэтэн төбө ахсаанын элбэтэллэр. Ньурбачаан нэһилиэгэр уопсайа 1300 кэриҥэ хороҕор муостаах баар, маны таһынан атын дьиэ кыыллара. Маны барытын үс бэтэринэриийэ үлэһитэ көрөр-истэр. Бэтэрэнээрдэр ыарыыны эмтииргэ буолбакка бу ыарыы турбатын эрдэттэн сэрэтиигэ үлэлэрин сүрүннүүллэр. Судаарыстыба садаанньатын быһыытынан тустаах графигынан быһыылары биэрэллэр. Ылыллыбыт анализтар бары Ньурбатааҕы бэтэринээрнэй лабораторияҕа түмүллэллэр. Исписсэлиистэр кыарыҕы харахтарынан дьиэ кыылыгар сыстыганнаах ыарыы тарҕамматын хонтуруоллаан олороллор. Кэлиҥҥи үс ыйга лейкоз анализтарын чинчийэ олороллор. Быйыл Ньурба улууһугар бэтэринээрнэй сулууспа тэриллибитэ 100 сыла. 1921 сылтан ыла бэтэринээрдэр кыылларга ыарыы турбатын туһугар үтүө суобастаахтык үлэлээн кэллилэр. Кинилэр баар буолан дьон дьиэтин кыыла чөл туруктаах күн бүгүнүгэр диэри турзар.