«Күндээдэ» агрофирма бу сайын нэһилиэнньэҕэ 80 ньирэйи босхо биэриэҕэ

Коронавирус дьаҥа тарҕана турар уустук кэмнэригэр Ньурба оройуонун олохтоохторугар боччумнаах көмө оҥоһуллар. Былырыын, 2020 сыл сайын, коронавирус тарҕаммытыгар, «Ньурба оройуона» МО дьаһалтата олохтоох бүддьүөттэн үп-харчы кɵрɵн, МТС "Агро Нюрба" уонна «Күндээдэ» агрофирма салалталарын кытта сүбэлэһэн баран, кыра дохуоттаах олохтоох дьону ɵйүүр сыаллаах саҥа тɵрүɵхтэн 212 ньирэйи нэһилиэнньэҕэ түҥэтэр туһунан дьаһалы таһаарбыта, диэн «Ньурба оройуона» МО пресс-сулууспата биллэрэр. Ньурба улууһун элбэх оҕолоох ыалларыгар, матырыйаалынай ɵттүнэн ыарахан балаһыанньаҕа түбэспит дьоҥҥо уонна сүөһү ииттиэн баҕалаах эдэр ыалларга бу бачыым үтүɵнэн эрэ дьайбыта. Анаалыстааһын көрдөрөрүнэн, түҥэтиллибит ньирэйдэр 75 бырыһыаннара кэтэх хаһаайыстыбаларга иитиллэн, сүɵһү тɵрдɵ буолан тураллар, ити олус үчүгэй.
Быйыл сайын эмиэ, от ыйыттан «Күндээдэ» агрофирма (генеральнай директор Алексеев А.П.) маннык кɵмɵнү салгыы оҥоруоҕа. Нэһилиэктэр сайаапкаларынан 80 тɵбɵ ньирэйи, ол иһигэр 40 тыһы уонна 40 оҕус ньирэйдэри, нэһилиэнньэҕэ оройуон бүддьүөтүн суотугар босхо түҥэтиэҕэ.