Бу разработканы оҥорорго маннайгы идея хакатон кэмигэр кэлбит. Онтон ыла толкуйга сылдьыбыт айыыларын чочуйан 4 ый иһигэр оҥорон таһаардылар.
Программа кодун суруйууну, аппарат ис тас оҥоһуутун барытын бэйэлэрэ оҥорбуттар. Бу аппараттарын «ВИРУС СТОП» диэн тыллары холбоон «ВИРСТ» диэн ааттаабыттар. Билигин буола турар балаһыанньаны учуоттаатахха бу саҥа айыы олоххо бигэтик киирэр кэскиллээх.
Тэрилтэҕэ киирээччи температуратын кээмэйдээн, илиитин антисептигынан ыраастыырынан эрэ муҥурдаммакка ким хаска кэлбитин, барбытын кытары хонтуруоллуур кыахтаах.
Билигин аппарат үлэлээн кэтээн көрүүтүн бара сылдьар. Уолаттар билигин көҥүллэрин ыллылар эрэ «ВИРСТ» аппараттарын хамаҕатык оҥорон таһаарарга бэлэмнэнэллэр. Барыта сатаннар эрэ Ньурба улууһун уһуйааннарыгар итиэннэ оскуолаларыгар туруортаан саҕалыахтара, диэн «Нюрба» ТРС биллэрэр.