Ньурба улууһугар 5 уот турбут сирэ бэлиэтэннэ

Быйыл 5 уот турбут сирэ бэлиэтэннэ, ол курдук Ньурбачаан, Антоновка уонна Дьаархан сирдэригэр. Сабаҕалааһын быһыытынан, дьон эппиэтинэһэ суох сыһыаныттан буолуон сөп. Көҥүл баһаарынай хамаанда көмөтүнэн уот турбут сирдэрэ умуруорулуннулар.
СР экологияҕа уонна айылҕа харыстабылын министерствота бирикээһинэн Ньурба улууһугар ыам ыйын 11 күнүттэн баһаартан сэрэхтээх буолуу сезона биллэрилиннэ. Ойуурга, көҥүлэ суох сиргэ уот оттор, өртөөһүн ыытар көҥүллэммэт.