Бу күннэргэ саастарын ситэ илик оҕолор кыттыылаах холуобунай дьыала түмүктэнэн, сууд көрүүтүгэр барда. Ол курдук, ыам ыйын бүтүүтэ 2009, 2010, 2012 сыллаах төрүөх оҕолор түүн үөһэ Сунтаар улууһун биир маҕаһыынын аанын алдьатан киирэн ас туура тутан илдьэ тахсыбыттар. Ылбыт астарын сиэбиттэр, сороҕун бырахпыттар.
Тутатына буруй оҥоһуллубут сиригэр силиэстийэлиир үлэ ыытыллан, кимнээх маҕаһыыны түүннэри халаабыттара биллибит. Маҕаһыыҥҥа видеокамера суоҕун оҕолор эрдэ билбиттэр.
Онон атыынан-эргиэнэн дьарыктанар дьон атыылыыр сиргитигэр видеокамера туруораргыт, эһиги харысхаллаах буолуугут туоһута.
Төрөппүттэр оҕолоргут түүн сылдьалларын кытаанах хонтуруолга ылыҥ. Түүннэри, дьарыга суох сылдьар оҕолортон үчүгэйи күүппэккин. Ону тэҥэ, улаатан эрэр обургу оҕолор бу дьыалаҕа 12 эрэ саастаах оҕону куһаҕаҥҥа тардыбыттара түктэри быһыы буоларын өйдүөх тустаахтар.
Уопсастыбаннас түүннэри сылдьар оҕолор тустарынан полицияҕа эрийэн этиэххитин сөп. Бу сайын устата «Үрүҥ түүннэр» диэн оҕолор түүннэри сылдьыыларын бохсор рейдэлэр ыытыллыахтара.
Мира Афанасьева, Сунтаар сонуннара
Хаартыска: Следственный комитет РФ