Конференция чэрчитинэн Үүнэр көлүөнэ тус сыаллаах пуондата «Олоҥхо дойдутугар айан» оҕо бэстэбээлин арыйда. Пуонда Олоҥхо ассоциациатын ити бырайыагын 3-с сылын өйүүр. Олоҥхо оонньууларын уонна оонньуурдарын көрүү күрэҕэр 5 улуустан (Горнай, Кэбээйи, Уус-Алдан, Таатта, Бүлүү) уонна Дьокуускай куорат Хатаһыттан 56 иитээччи кыттыыны ылла. Уопсайа 81 оонньууну уонна оонньуурдары 156 оҕо тутан-хабан сэҥээрдэ. Ону таһынан 25 киһи «Олонхо сыахайа (куклата)» диэн маастар-кылааска кыттыыны ылла. Пуонда аатыттан Сергей Протопопов бэстэбээл тэрийиитигэр көхтөөх кыттыыны ылла уонна күрэх түмүгүнэн кыайыылахтарга добун суругу кытта бириистэри үөрүүлээх быһыыга-майгыга туттарда.
Тэрээһин сүрүн сыалынан олоҥхоҕо олоҕуран ураты оонньуулары, оонньуурдары айан оҥорон дьон эйгэтин сырдатыы, сайыннарыы буолар.
СӨ Үүнэр көлүөнэҕэ фондатын сайта