Дьаһалга суруллубутунан, муус устар 19 күнүттэн ыам ыйын 15 күнүгэр диэри, Чурапчы улууһугар, чуолаан нэһилиэк иһинээҕи суолларга, ириэрии кэмигэр быстах кэмҥэ 3,5 туоннаҕа диэри ыйааһыннаах тиэхэньикэлэр айанныыр буолуохтара. Бөһүөлэк иһинээҕи суолларга төһө уйуктаах тиэхэньикэ сылдьыахтааҕын туһунан ыйар суол бэлиэлэрэ туруоруллуохтара онтон нуорманы таһынан ыйааһыннаах үрдүкү кыамталаах тиэхэньикэлэр КЧС туспа көҥүлүнэн эрэ сылдьыахтара диэн этиллэр.
Мантан инньэ тиэхэньикэлэр сырыыларын Чурапчы улууһунааҕы ОМВД сотрудниктара кыраҕатык кэтиир буолуохтара, оттон муниципальнай суолталаах массыына суолларын туругун уопсай хонтуруолун улуустааҕы биир кэлим сакаастыыр сулуупа итиэннэ ГИБДД иниспиэктэрдэрэ ыытыахтара. Онон туһааннаах улахан тэрилтэлэргэ муус устар 19 күнүгэр диэри сөптөөх гөрүүчэйдэринэн хааччыналларыгар сүбэлээтилэр.
Сэмэн Жендринскэй, "Саҥа олох"