Куонкуруска барыта холбоон 4 номинацияҕа: “ Георгий Жуков: рядовой саллааттан маршалга тиийэ”, “Улуу полководец уруоктара”, “Кыраайы үөрэтии. Устуоруйа уонна устуоруйа”, “Биһиги кэммит дьоруойа”.
Куонкурус үлэтигэр педагог-настаабынньыгы кытары 3 үөрэнээччиттэн турар хамаандалар кыттыыны ылыллар.
Тэрийэр хамыыһыйаҕа РФ 76 эрэгийиэниттэн 554 үлэ киирбит, ол иһигэр Херсонскай, Запорожскай уобаластартан, Луганскай, Донецкай норуодунай өрөспүүбүлүкэлэриттэн итиэннэ Беларусь өрөспүүбүлүкэтэ кыттыыны ылла.
Жуков аатынан мусуой үлэһиттэрэ кулун тутар ый устатыгар, “Көрөөччү биһирэбилэ” номинацияҕа онлайн куоластааһыны ыыппыттара. Итиннэ барытыгар 41 тыһ.киһи биидьийэни көрбүт ол онтон 35,5 тыһ. киһитэ куолаһын биэрбит.
Манна 5152 куолаһы хомуйан Саха сириттэн соҕотох үлэ “Чурапчы көһөрүллүүтэ – норуот бүттүүнүн алдьархайа”, Павлина Матвеева салайааччылаах, Аҕа дойду Улуу сэриитин кыттыылааҕа Иван Павлов аатынан Чурапчы орто оскуолатын (дириэктэр Иван Васильев) хамаандата эрэллээхтик бастакы миэстэ буолары ситистэ. Иккис миэстэҕэ Пермскай кыраай 4-с нүөмэрдээх гимназията онтон үһүс миэстэҕэ Полесскай орто оскуолата буоллулар. Кыайыылаах хамаандааҕа “Көрөөччү биһирэбилэ” дипломунан наҕараадаланна итиэннэ Москуба куоракка Кыайыы мусуойун итиэннэ Поклоннай хайаҕа турар “Г.О.Р.А. мусуойу” босхо көрөр путевканы туттуталар.
Манна даҕатан эттэххэ бу куонкурус, Кыайыы мусуойун көҕүлээһининэн итиэннэ РФ Бэрэсидьиэнин Гранын өйөбүлүнэн үлэлиир “Жуков Маршал – оҕо историческай форума” бырайыак чэрчитинэн ыытыллар.
Сэмэн Жендринскэй, "Саҥа олох"
Ааптар хаартыскаҕа түһэриитэ