Ньурба улууһугар «Саха ынаҕа» тэрилтэ саҥа сайылык тутта

«Саха ынаҕа» хааһына тэрилтэтэ Ньурба улууһун Чкалов учаастакар былырыын алтынньыга саха сүөһүтүн аҕалан сана отделение тэриллибитэ. Төбө ахсаана элбээн билигин отделение 95 төбө хороҕор муостааҕы тутан олорор. Бэҕэһээ Куртах учаастакка саҥа сайылык тутуллан үлэҕэ киирдэ. Саха ынаҕын Ньурба улууһугар аҕалан ууһатыыны Акана нэһилиэгин салалтата, улуус дьаһалтата өр кэмҥэ туруорсан ситиспиттэрэ. «Саха ынаҕа» хааһына тэрилтэтин салалтата Чкалов сирин – уотун көрөн сонно сэҥээрэн сылы кыайбат кэм анараа өттүгэр 50 төбө саха сүөһүтэ кэлбитэ. Ол сыл субуотунньук итиэннэ тутуу тэрилтэтин күүһүнэн 100 төбөҕө аналлаах хотон тутуллубута, аны быйыл сайыҥҥы титиик уонна үлэһиттэргэ анаан икки хостоох дьиэ тутуллан үлэҕэ киирдэ Саха сүөһүтэ былырыыҥҥы кыстыгы туох да харгыһа суох кыстаан этэҥҥэ күөххэ үктэммитэ. Быйылгы кыстыкка бэлэмнэнэн ааспыт сайын хото тиийэр отунан отделение хааччынан олорор. Төрүөхтэр киэҥ нэлэмэн мэччиирэҥҥэ сылдьан биллэ ситэн сотору кэминэн кыстыкка киирэргэ бэлэмнэр. Чкалов учасстагар саха ынаҕын көрөр-истэр отделение арыллан үлэ миэстэтэ да таҕыста. Мантан кэлин үлэһит ахсаана өссө элбиэхтээх. Онон саха ынаҕын улууска ууһатыы бары өттүнэн табыгастаах буолла. Республика аҕа баһылыга Айсен Николаев 2024 сыл тохсунньу 1 күнүгэр саха ыанар ынаҕын ахсаанын 1000 тиэрдэр соругу туруорбута. Маннык саҥа отделениелар арыллан төрүөх элбээн бу сорук туолар уһугар чугаһаатар чугаһаан иһэр диэн ТРС «Нюрба» биллэрэр.