Ньурбаҕа сайын умайбыт ойууру ыраастаан, кыаммат олохтоохторго мас тиэйдилэр

Ньурба улууһун дьоно ааспыт сайын баһаарга умайбыт ойууру ыраастааһыҥҥа таҕыстылар. Субуотунньуктан хомуллубут маһы кыаммат, итиэннэ соҕотох олорор аҕам саастаахтарга көмө быһыытынан тиэртилэр. Ньурба улууһун аҕаларын сүбэлэрэ итиэннэ волонтер корпуһа бу субуотунньугу иилээн-саҕалаан тэрийдилэр. Комсомол күнүн көрсө бу субуотунньукка ааспыт сайын Ньурбачаан нэһилиэгэр умайбыт ойууру ыраастаатылар. Субуотунньукка Ньурбачаан нэһилиэгин олохтоохторо Ньурба биирдиилээн тэрилтэлэрин улэһиттэрэ кыттыыны ыллылар. Маны таһынан Октябрьскай нэһилиэк эдэр дьоно кэлэн бэйэлэрин нэһилиэктэрин ытык кырдьаҕастарыгар көмөҕө диэн оттук маһынан хааччыйдылар. Уоннааҕы маһы Ньурбачаан нэһилиэгин наадыйар олохтоохторугар массынан тиэйэн тэлгэһэлэригэр диэри тиэртилэр. Ньурба улууһугар ааспыт сайын хас да нэһилиэккэ ойуур баһаара туран улахан хоромньу таҕыста. Аны маннык субуотунньуктар хаар халыныы илигинэ өссө атын нэһилиэктэргэ тэриллиэхтэрэ. Маны ааһан эһиил тэрийээччилэр ойууру чөлүгэр туһэрэр сыалтан мас олордор былааннаахтар. Бу Ньурбачаан ойууругар номнуо иккис субуотунньук буолла. Тэрийээччилэр манна биир ытыынан икки куобаҕы ылаллар. Маннайгынан ойуур ыраастанар иккиһинэн кыаммат араҥа кыстык маһынан хааччылар, диэн ТРС «Нюрба» биллэрэр.