«Фестиваль иһинэн «Олоҥхо ойуута» диэн косплей күрэҕин аан бастакытын тэрийдибит. Бу күрэххэ олус элбэх оҕо кыттыыны ылла, олоҥхо персонажтарынан – бухатыыр да буолан, абааһы кыыһа да буолан, айыылар да буоланнар, көстүүм тиктэн көхтөөхтүк кытыннылар», – диэн кэпсээтэ Айта Васильева, Мэҥэ Хаҥалас улууһун Г.Г. Колесов аатынан Олоҥхо дьиэтин уус-уран салайааччыта.
Фестиваль түмүгүнэн Үүнэр көлүөнэ тус сыаллаах пуондатын генеральнай дириэктэрэ Владимир Егоров Олоҥхо декадатын түмүктүүр түһүлгэтигэр кыайыылаахтарга бириистэри туттарда: «Олоҥхо кэлэр көлүөнэни бэйэтин төрүт үгэстэрин билсэригэр-көрөрүгэр сүрүн оруоллаах. Биһиги пуондабытыгар 2016 сыллаахтан саха култууратын тарҕатыытыгар аналлаах бырайыактары өйөөһүҥҥэ ураты болҕомтонубут уурабыт. Бары кыттааччылары, кыайыылаахтары эҕэрдэлиибин, күрэҕи тэриийээччилэрбитигэр махтанабын».
Фестиваль түмүгэ:
III үрдэл – Уус-Алдан улууһа;
II үрдэл – Таатта улууһа;
I үрдэл – Мэҥэ Хаҥалас улууһа.
Үс күрэх түмүгүнэн бастыҥ коллективтар наҕараадаланнылар:
«Олоҥхо уобарастара» уруһуй күрэҕэ – Анастасия Константинова, Мэҥэ Хаҥалас улууһун М.К. Попова аатынан Майатааҕы оҕо искусствотын оскуолата;
«Олоҥхо ойуута» косплей күрэҕэ – Анастасия Винокурова уонна Айта Васильева, Мэҥэ Хаҥалас улууһун Аллараа Бэстээх 2№ орто оскуолатын 1 «а» кылааһа;
«Олоҥхо оҕолоро» олоҥхо күрэҕэ – Ирина Охлопкова, Уус-Алдан улууһун Тулуна орто оскуолата.