Чурапчыбыт улууһуттан А.П. Гоголев аатынан Чурапчытааҕы оҕо ускуустуба оскуолатын хореография салаатын 4 кылааһын үөрэнээччилэрэ Клара Кириллина салайааччылаах «Алаас сибэккилэрэ» бөлөҕө «Дьүрүһүй хомуһум» үҥкүүнэн бэрт ситиһиилээхтик кыттан, 10-12 саастаахтарга «Норуот үҥкүүтэ» номинацияҕа 1 степеннээх лауреат үрдүк аатын ыллылар, Сахабыт сирин ааттатан кэллилэр. Ону таһынан аны сайын салгыы сайдалларыгар, сынньаналларыгар Сочи куоракка путёвканы дьүүллүүр сүбэттэн анал бириис быһыытынан туттулар. Оҕолорбут атын араас бөлөхтөрү кытта алтыһан, элбэҕи билэн-көрөн, иллэҥ кэмнэригэр Москва куорат устун күүлэйдээн, астынан, дуоһуйан кэллилэр.
Маннык тэрээһиннэргэ куруук да буоларын курдук төрөппүттэрбит, оскуолабыт салалтатын өйөбүлэ күүс-көмө буолара саарбаҕа суох. Онон оҕолорбут махталлара кинилэргэ муҥура суох. «Алаас оҕолоро» үҥкүү бөлөҕүн салайааччытын Клара Кириллинаны уонна оҕолору үрдүк ситиһиилэринэн эҕэрдэлиибит, өссө үрдүк дабайыылары, чэгиэн туругу баҕарабыт.
Алла Сивцева, "Саҥа олох"