“Аллара Бэстээх-Чурапчы-Аллара Бэстээх” автобус сырыытыгар кыра уларыйыылар таҕыстылар

Аспаал суол ууруллан, саҥа автобус сырыыта саҕаланыаҕыттан Чурапчыбыт дьоно-сэргэтэ айаннарын сырыыта лаппа тупсан сүргэлэрэ көтөҕүллэн сылдьар. Күһүммүт, кыһыммыт, сайыммыт биллибэккэ элэс гынан аастылар, ол тухары айанньыттар бэйэлэрин баҕаларын учуоттаан, элбэхтэ төттөрү-таары айаннаабыт тиэхэньикэ күннээҕи  расписаниетыгар кыра уларыйыылар тахсыбыттарын туһунан иһитиннэрэллэр.

Ол курдук, “Чурапчы-Аллара Бэстээх” хайысханан бастакы рейс сарсыарда 7 чаастан онтон иккис рейс “Аллара Бэстээх-Чурапчы” туһаайыытынан күнүс 13.30 чаастан турунуоҕа. Түмүктүүр үһүс рейсэ “Чурапчы-Аллара Бэстээх” киэһэ 17 чааска аттаныаҕа.


Санатар буоллахха, автобус айанын кэмигэр Аллара Бэстээххэ, Тумул, Төҥүлү, Нуораҕана, Мугудай, Чурапчы нэһилиэктэригэр тохтоон ааһар. Чурапчыга диэри айан устата быһа барыллаан 2 чаас 30 мүнүүтэ курдук уһун кэмнээх буолар.

Төлөбүрдэр тустарынан эттэххэ, Аллара Бэстээхтэн Тумул бөһүөлэгэр диэри 145 солкуобай, Төҥүлүгэ диэри – 148 солкуобай, Нуораҕана – 202 солкуобай, Мугудайга диэри – 334 солкуобай оттон Чурапчы нэһилиэгэр кэлии – 412 солкуобайга тэҥнэһэр. Билиэттэри суоппартан харчытыгар эбэтэр банковскай каартанан төлүөххүтүн сөп.

Аллара Бэстээххэ тохтобул, Өлүөнэ өрүс кытылыгар турар көһүтэр саала уораҕайа онтон Чурапчы нэһилиэгэр “Гастроном” тохтобулун былаһаакката.
Сэмэн Жендринскэй, "Саҥа олох"