Оонньуу генератор көмөтүнэн буолла. Кыайыылаах тохсунньу ыйга ититии иһин төлөбүртэн 100 бырыһыан босхолонор.
«Олус соһуйдум уонна үөрдүм буоллаҕа. Мин ититии иһин бары коммунальнай өҥөбүн ый аайы толору төлөөн иһэбин. Ол курдук ахсынньы ыйга тохсунньубутун кытта төлөөбүппүт. Түгэнинэн туһанан тымныы кыһыммытын сылаас дьиэҕэ олорон аһарарбытыгар күннэри-түүннэри түбүгүрэр коммунальнай хаһаайыстыба бары үлэһиттэригэр махталбын тириэрдэбин, үүммүт Саҥа дьылынан истиҥник эҕэрдэлиибин»,- диэн ытыктыыр киһибит Аграфена Егоровна санаатын тириэртэ.
Амматааҕы «Коммунсервис» тэрилтэ быһаарбытынан Аграфена Егоровна тохсунньу ыйын төлөөбүтүнэн аахсыйа өҥөтө олунньу ыйга көһөр.
«Амма олоҕо» хаһыат