Ньурба куоратыгар саҥа таас тыйаатыр дьиэтин тутуу салҕанар

2276
1 минута
Ньурба куоратыгар саҥа таас тыйаатыр дьиэтин тутуу салҕанар
Ньурба куоратыгар саҥа таас тыйаатыр дьиэтин тутуу салҕанар. Тутааччылар пандемиянан сибээстээн төһө да графиктан хааллаллар бу сыл бүтүүтэ эбийиэги хайаан да үлэҕэ киллэрэр соруктаах үлэлииллэр. Ньурба театрын күүтүүлээх саҥа дьиэтин сыбаайата 2019 сыл сайыныгар түспүтэ. Улуус историятыгар киирэр биир суолталаах күҥҥэ республика аҕа баһылыга Айсен Николаев кыттыыны ылбыта. Ол кэннэ былырыын пандемияҕа оҕустаран үлэһит илии тиийбэккэ үлэ хаамыыта бытаарбыта. Бу сылтан үлэ маннайгы тэтимин ылынан тутуу хаамыыта миэстэтиттэн хамсаата. Саҥа театр уопсай бүддьүөтэ 530 мөлүйүөн солкуобайга тэҥнэстэ, эбийиэк толору «АЛРОСА – НЮРБА» акцията атыыламмыт харчытыттан үбүлэнэр. Билигин театр тутуутугар 9 киһи үлэлии сылдьар бу ый бүтүүтэ өссө 20 киһи улэҕэ кэлиэ. Былаан быһыытынан дьиэ холоҕоһо бу сайын ситиэ онон сайыннаттан тутааччы элбээн үлэ тэтимэ өссө күүһүрүө. Үйэ аҥарыттан ордук күүтүллүбүт саҥа театр дьиэтэ бу сыл ахсынньытыгар үлэҕэ киириэхтээх. Тутааччылар графиктан хаалбыт күннэрин ситиһэн эбийиэги кэмигэр туттарар былааннаахтар, диэн ТРС Нюрба биллэрэр.